Safe recruitment and HR processes – Page 3

၃။ အမူအကျင့်

ခေါင်းဆောင်များသည် စည်းကမ်းထိန်းသိမ်းရေး လုပ်ငန်းစဉ်များ၊ စသည် အပါအဝင် ဝန်ထမ်းခေါ်ယူခန့်ထားမှု လုပ်ငန်းစဉ်များအားလုံးတွင် အကာ အကွယ်ပေးခြင်းဆိုင်ရာ အလေ့အကျင့်ကောင်းများကို လိုက်နာကျင့်သုံးနိုင် ကြောင်း လက်တွေ့ပြသပေးပါသည်။

အမူအကျင့်နှင့်ပတ်သက်၍ ဆွေးနွေးခြင်း

ဤအမူအကျင့်သည် သင်၏ အလုပ်ပတ်ဝန်းကျင်၊ သင်၏ လုပ်ဖော်ကိုင်ဖက်များ၊ အဖွဲ့အစည်း ပြင်ပမှ အခြားသူများနှင့် ထိတွေ့ဆက်ဆံမှုများနှင့် မည်သို့ ဆက်နွှယ်မှုရှိကြောင်း စဉ်းစားသုံး သပ်ပါ။ သင့်လျော်သည့်နေရာများတွင် သင်၏ ကိုယ်ပိုင်မေးခွန်းများကိုလည်း ထည့်သွင်းဆွေး နွေးပြီး ဆွေးနွေးချက်များကို မှတ်စုလိုက်ထားပါ။ ထည့်သွင်းစဉ်းစားရန် မေးခွန်းများ

• ဝန်ထမ်းများကို အချိန်တိုအတွင်း ခေါ်ယူခန့်ထားရန် ဖိအားများ ရှိနေချိန်တွင် သင်သည် ထိုအရေးကိစ္စများကို လျော်ကန်သင့်မြတ်စွာ တုံ့ပြန်ဆောင်ရွက်နိုင်ရန်နှင့် သင့်အဖွဲ့အ စည်းအတွက် ခက်ခဲနိုင်သည့် ဆုံးဖြတ်ချက်များကို ချမှတ်နိုင်ရန် ကြိုတင်ပြင်ဆင် ထားကြောင်းကို မည်သို့ လက်တွေ့ပြသနိုင်သနည်း။
• သင်တို့၏ စည်းကမ်းထိန်းသိမ်းရေးလုပ်ငန်းစဉ်များသည် ပွင့်လင်းမြင်သာမှုရှိကြောင်း သေချာစေရန် သင် မည်သို့ လုပ်ဆောင်ပါသနည်း။
• သင်တို့၏ စည်းကမ်းထိန်းသိမ်းရေးလုပ်ငန်းစဉ်များတွင် မိမိအကျိုးစီးပွားနှင့် အဖွဲ့အ စည်း၏ အကျိုးစီးပွား ပဋိပက္ခဖြစ်ခြင်းများ (conflicts of interest) ကို ရှောင်ရှားနိုင် ရန်အတွက် သီးခြားလွတ်လပ်သော စောဒကတက်၊ မေးခွန်းထုတ်မှုများ ပါရှိစေရန် သင် မည်သို့ လုပ်ဆောင်သနည်း။
• အကာအကွယ်ပေးခြင်း ဆိုင်ရာ ကိစ္စကို အကြောင်းပြု၍ စည်းကမ်းထိန်းသိမ်း အရေး ယူဆောင်ရွက်ရသည့် အမှုကိစ္စများမှ ရရှိသော သင်ခန်းစာများကို သင့်အဖွဲ့အစည်းမှ လေ့လာသင်ယူနေစေရန် သင် မည်သို့ လုပ်ဆောင်သနည်း။
• သင့်အဖွဲ့အစည်းသည် တရားဝင် တိုင်ကြားမှုလုပ်ငန်းစဉ်များ သို့မဟုတ် စည်းကမ်း ထိန်းသိမ်းရေး လုပ်ငန်းစဉ်များကို ကျင့်သုံးရမည့်အချိန်တွင် အလွတ်သဘောဆန်သော ယန္တရားများကို လျော်ကန်သင့်မြတ်မှု မရှိဘဲ အသုံးပြုခြင်းများ မရှိရလေအောင် သင် မည်သို့ လုပ်ဆောင်သနည်း။

ဆွေးနွေးပွဲမှတ်စုများ (ဆွေးနွေးပွဲပြီးဆုံးချိန်တွင် ဤမှတ်စုများကို ဒေါင်းလုတ်ဆွဲနိုင်ပါသည်)

အပြောင်းအလဲတစ်ခုကို ဖော်ဆောင်ရန် မည်သည့်လုပ်ငန်းများကို လုပ်ဆောင်မည်နည်း။

သင် ဆွေးနွေးခဲ့သည့်အချက်များကို အသုံးပြု၍ အဖွဲ့အစည်းတစ်ရပ်အနေဖြင့် မည်သည့်လုပ်ဆောင်ချက်များကို အစီအစဉ်ရေးဆွဲ ဆောင်ရွက်ရမည်ဆိုသည် ကို ဆုံးဖြတ်သတ်မှတ်ပါ။ ထိုလုပ်ငန်းများကို ဆောင်ရွက်ကြောင်းသေချာစေ ရန်အတွက် မည်သူက တာဝန်ခံမည်ဆိုသည်နှင့် ပြီးမြောက်အောင် လုပ်ဆောင် ရန် ရည်ရွယ်သည့် အချိန်တို့ကို ရေးမှတ်ထားပါ။ “ခေါင်းဆောင်များမှ လုပ် ဆောင်ရမည့် အရာများ” သည် စမှတ်တစ်ခုသာဖြစ်ပြီး ထိုလုပ်ဆောင်ချက်များ စာရင်းသည် ပြီးပြည့်စုံသည့် စာရင်းတစ်ခု မဟုတ်ကြောင်းကို သတိပြုရပါ မည်။ သင့် အဖွဲ့အစည်းအတွက် သင့်တော်သော သီးခြားလုပ်ဆောင်ချက်များ ကိုလည်း ဖြည့်စွက်ထည့်သွင်းနိုင်ပါသည်။

အသုံးပြုထားသော ဝေါဟာရစကားလုံးများ ရှင်းလင်းချက်                                                                                                              ထိပ်သို့ပြန်သွားမည် ^

အကာအကွယ်ပေးခြင်း

အကာအကွယ်ပေးခြင်း (Safeguarding) ဆိုသည်မှာ မိမိတို့ အဖွဲ့အစည်း အတွင်းရှိ မည်သူမဆိုနှင့် မိမိတို့၏ လုပ်ငန်းများ လုပ်ဆောင်မှု တစ်စိတ် တစ်ပိုင်းအနေဖြင့် ထိတွေ့ဆက်ဆံရသူ မည်သူမဆိုအပေါ် ထိခိုက်နစ်နာမှု များ၊ ဆိုးကျိုးများ ဖြစ်ပေါ်ခြင်း မရှိစေရန် မိမိတို့ ကျင့်သုံးလုပ်ဆောင်သည့် ကြိုတင် ကာကွယ်မှုနှင့် တုံ့ပြန်ဆောင်ရွက်မှုနည်းလမ်းများအားလုံးကို ဆိုလိုခြင်း ဖြစ်ပါ သည်။ လိင်ပိုင်းဆိုင်ရာ ခေါင်းပုံဖြတ်မှု၊ မဖွယ်မရာပြုမှုနှင့် လိင်ပိုင်းဆိုင်ရာ ထိပါးနှောင့်ယှက်မှု (SEAH) တို့ကို ကိုင်တွယ်ဖြေရှင်းနိုင်ရေး ထည့်သွင်းစဉ်း စား၍ ဤ tool ကို ပြုစုထားခြင်း ဖြစ်သော်လည်း အခြား ထိခိုက်နစ်နာမှုပုံစံ များအတွက်လည်း အသုံးပြုနိုင်ပါသည်။ ပိုမိုပြည့်စုံသော အဓိပ္ပါယ်ဖွင့်ဆိုချက် ကို Bond website တွင် ဝင်ရောက်ဖတ်ရှုလေ့လာနိုင်ပါသည်။